ന്യൂഡൽഹി: രാഹുൽ മാങ്കൂട്ടത്തിലിനെതിരെ പ്രതികരിച്ചതിന് പിന്നാലെ രാജ്മോഹൻ ഉണ്ണിത്താനെതിരെ നടക്കുന്ന സൈബർ ആക്രമണത്തിൽ പരിഹാസവുമായി ജോൺ ബ്രിട്ടാസ് എംപി. ഇൻഡ്യ സഖ്യത്തിലെ എംപിയെ ഉപദ്രവിക്കരുത്. പൈതൃകവും പാരമ്പര്യവുമുള്ള കോൺഗ്രസ് പാർട്ടി രാജ്മോഹൻ ഉണ്ണിത്താനെ ആക്രമിക്കുകയാണ്. തനിക്ക് സംരക്ഷണം വേണമെന്നാണ് ഉണ്ണിത്താൻ പറയുന്നതെന്ന് ബ്രിട്ടാസ് പറഞ്ഞു.
തന്നെ ആക്രമിക്കുന്നത് സിപിഐഎം അല്ല കോൺഗ്രസാണ് എന്നാണ് ഉണ്ണിത്താൻ പറഞ്ഞത്. ഉണ്ണിത്താനെ ആക്രമിക്കുന്നതിൽ നിന്നെങ്കിലും കോൺഗ്രസ് പാർട്ടി പിന്മാാറണമെന്നും ബ്രിട്ടാസ് പറഞ്ഞു.
അതേസമയം കോൺഗ്രസ് എഐസിസി ജനറൽ സെക്രട്ടറി കെ സി വേണുഗോപാൽ എംപിക്കെതിരെ ബ്രിട്ടാസ് രൂക്ഷ വിമർശനം ഉന്നയിച്ചു. പാർലമെന്റ് സമ്മേളനത്തിൽ പ്രതിപക്ഷത്തെ ഏകോപിപ്പിക്കേണ്ട നേതാവാണ് കെ സി എന്നാൽ ഇപ്പോൾ അദ്ദേഹം തദ്ദേശ തെരെഞ്ഞെടുപ്പിൽ വീട് കയറുകയാണെന്ന് ബ്രിട്ടാസ് പറഞ്ഞു. ബിഹാർ പ്രചാരണത്തിന് കെ സി വേണുഗോപാൽ പോയിരുന്നില്ല. മുഖ്യമന്ത്രി ആകാൻ കെ സിക്ക് ആഗ്രഹം ഉണ്ടാകും, എന്നാൽ അത് നടക്കാത്ത സ്വപ്‌നം ആണെന്നും ബ്രിട്ടാസ് പറഞ്ഞു.
Content Highlights: John Brittas reaction on Cyber attack against Rajmohan Unnithan